【場地點樣】谷草C跑道夜賽預測「好地」
跑馬地馬場今晚縮場只舉行8場草地夜賽，以移欄C跑道進行角逐，頭場開跑時間為晚上7時10分，敬請馬迷留意。
經今晨勘察場地之後，掛牌為「好地」，度地儀指數為2.72。今晚起一連兩期夜賽，分別以窄位C欄、C+3欄競逐，令到內疊場地爭取養草時間，以迎接12月6日國際騎師錦標賽盛事。
就改鋪冬草之後近兩次賽事模式，對上兩次使用A跑道或B跑道競逐，直路跑線略為呈現偏差，大利中外疊衝刺馬匹，反而欄位推進馬匹，勝算明顯比下去，而狹窄C跑道直路賽事模式，向來更加有利於中外疊馬匹全力衝刺。
在留意賽道是否出現偏差之外，C欄、C+3欄向來檔位視為爭勝先決條件，近季數據固然得到啟示，即使今季只跑過兩次C欄夜賽，包括一次夜賽及馬季唯一谷草日賽，兩日合共19場賽事，單是4檔以內，已佔去12W， 1檔、2檔頭馬數據強勁，黃金1檔5W赢最多， 2檔亦係取得4W，因此今晚度馬，內檔實力馬匹，絕對係大路之選。
